კონკურს "ლიტერას" პროტესტის ნიშნად მწერალი და გამომცემელი, ზვიად კვარაცხელიაც ტოვებს. მისი თქმით, მწერლობას და სამწერლო პროცესს არ სჭირდება ზემოდან დანიშნული იდეოლოგიური კურატორი. კვარაცხელია ამბობს, რომ ეს ყველა მთავრობას და ხელისუფლებას ადრე თუ გვიან მწარედ უბრუნდება ხოლმე.
ცნობისთვის "ლიტერას" ჟიურიში სამინისტრომ ერთი წევრი თვითონ დანიშნა.
"ვიცი, რამდენად მნიშვნელოვანია პრემია ყველა მწერლისთვის – წიგნის დაფასების, აღიარებისა და მატერიალური თვალსაზრისით, ამიტომ თავს არასდროს მივცემ უფლებას, ვინმეს რამე ვურჩიო ან მოვუწოდო, ან ჩემი, როგორც გამომცემლის პოზიცია გამოვიყენო ამისთვის. თანამედროვე ქართული მწერლობის პრობლემებს არავისზე ნაკლებად არ ვიცნობ, ამიტომ ვფიქრობ, რომ კატეგორიული ლაპარაკი არ მგონია სწორი იყოს.
ჩემი, როგორც ავტორის პოზიცია კი ეს არის – ვხსნი ჩემს წიგნს „დარეკე! დაუბარე!” პრემია „ლიტერადან”.
P. S. პრემია „ლიტერა” დაფუძნების დღიდან მნიშვნელოვან გავლენას ახდენდა ლიტერატურულ პროცესზე, და რაც მთავარია, აბსოლუტურად დაცლილი იყო იდეოლოგიური კონიუნქტურისგან. მგონია, რომ ეს ტრადიცია უნდა გაგრძელდეს!", - წერს ზვიად კვარაცხელია.
კონკურს ამ დროისთვის უკვე 11 მონაწილე გამოეთიშა.
- პროტესტის ნიშნად პრემია "ლიტერას" მონაწილეები ტოვებენ;
- წულუკიანს არ ვიკადრებ | ტორესა მოსი "ლიტერაში" მონაწილეობაზე უარს ამბობს;
- "სიიდან ჩემს რომანს ვშლი" | ტორესა მოსის შემდეგ, "ლიტერას" პრემია კიდევ ერთმა მწერალმა, მათე სარალიშვილმა დატოვა;
- "პროტესტი სამარცხვინო ჩინოსანს" | "ლიტერაში" მონაწილეობაზე დიზაინერი ნატალია ავალიანიც უარს ამბობს;
- პროტესტი წულუკიანს - "ლიტერას" მე-4 კონკურსანტი, ირაკლი კაკაბაძეც გამოეთიშა;
- პროტესტის ნიშნად "ლიტერას" კიდევ ერთი კონკურსანტი, ეკა ქევანიშვილი ტოვებს;
-
"თეა მიკროფონი დააბრუნე!" - პროტესტის ნიშნად "ლიტერას" ნინო სამყურაშვილიც ტოვებს.
