არჩევნებისას პოლიტიკური ნიშნით სამსახურიდან გაათავისუფლეს ან შეავიწროეს 69 პირი - ომბუდსმენი
გამოქვეყნდა:
ომბუდსმენის 2021 წლის ანგარიშში ადგილობრივი თვითმმართველობის არჩევნებიც მოხვდა. სახალხო დამცველი წერს, რომ პროცესი წელსაც "უკიდურესად პოლარიზებულ საარჩევნო გარემოში წარიმართა".
სახალხო დამცველის აპარატის ხელთ არსებული ინფორმაციით:
- სავარაუდოდ დისკრიმინაციულად, პოლიტიკური შეხედულებების გამო სამსახურიდან გაათავისუფლეს ან სამსახურებრივად შეავიწროეს 69 პირი;
- 59 ოპოზიციური კანდიდატის მიმართ განხორციელდა სავარაუდო ზეწოლა და დაშინება მათი მხრიდან კანდიდატობაზე უარის თქმის მიზნით, რის შედეგადაც, მათ, რამდენიმე გამონაკლისის გარდა, დაწერეს განცხადება კანდიდატურის მოხსნის თაობაზე.
- დაფიქსირდა ამომრჩევლის სავარაუდო მოსყიდვის 16 ფაქტი;
- სახალხო დამცველისთვის ცნობილი გახდა 4 შემთხვევა, როდესაც საჯარო სკოლების დირექტორის მოვალეობის შემსრულებლებს შრომითი ხელშეკრულება შესაძლო პოლიტიკური მოტივით არ გაუგრძელეს.
"სახალხო დამცველი იზიარებს ადგილობრივი და საერთაშორისო სადამკვირვებლო ორგანიზაციების შეფასებებს, რომ ამომრჩეველთა სავარაუდო ზეწოლისა და დაშინების ფაქტები, შექმნილი დამაშინებელი გარემო გავლენას მოახდენდა ამომრჩეველთა ნაწილის თავისუფალი ნების გამოვლინაზე. სამწუხაროდ, ასევე მრავლად იყო შემთხვევა, როდესაც ჟურნალისტებს დანაშაულებრივად არ ეძლეოდათ საკუთარი საქმიანობის ეფექტიანად განხორციელების შესაძლებლობა", - აღნიშნულია ანგარიშში.
ამავე თემაზე:
- პარლამენტმა არ გაითვალისწინა პარტნიორების რეკომენდაციები და უზენაესის 10 მოსამართლე უვადოდ აირჩია - ომბუდსმენის ანგარიში;
- მიხეილ სააკაშვილის მიმართ დარღვეული ადამიანის უფლებები - ომბუდსმენის ანგარიში;
- რეგულაციები წესდებოდა პოლიტიკური, თუ სხვა მიზანშეწონილობის გათვალისწინებით - ეპიდვითარება ომბუდსმენის ანგარიშში;
- ჩვეულ პრაქტიკად ჩამოყალიბდა თანამდებობის პირთა მხრიდან ჟურნალისტების მიმართ ცინიკური დამოკიდებულება - ომბუდსმენის ანგარიში
