ჩრდილოატლანტიკური ხელშეკრულების ორგანიზაციის (ნატო) გენერალური მდივანი იენს სტოლტენბერგი აცხადებს, რომ დონეცკის რეგიონში სოლედართან და ბახმუტთან სასტიკი ბრძოლები უკრაინის სამხედრო მხარდაჭერის გაზრდის აუცილებლობაზე მიუთითებს - ამის შესახებ სტოლტენბერგმა ევროკომისიის პრეზიდენტთან, ურსულა ფონ დერ ლაიენთან ერთობლივ პრესკონფერენციაზე განაცხადა.
„ბოლო დღეებში ჩვენ ვნახეთ სასტიკი ბრძოლები ბახმუტთან და სოლედართან აღმოსავლეთ უკრაინაში. ეს კიდევ ერთხელ აჩვენებს უკრაინის შეიარაღებული ძალების სიმამაცეს, როდესაც ისინი იბრძვიან სამშობლოს დასაცავად. ეს ასევე გვიჩვენებს, თუ რამდენად მნიშვნელოვანია ჩვენ გავზარდოთ სამხედრო მხარდაჭერა. უკრაინისთვის", - განაცხადა სტოლტენბერგმა.
ალიანსის გენერალური მდივანი მიესალმა შეერთებული შტატების, გერმანიისა და საფრანგეთის ბოლო განცხადებებს, რომლებიც მალე უკრაინაში გაგზავნიან ბრედლისა და მარდერის ქვეითთა საბრძოლო მანქანებს, ასევე AMX-10RC მსუბუქ ტანკებს.
ამავე თემაზე:
- უკრაინის შეიარაღებული ძალები უარყოფს, რომ ქალაქ სოლედარს რუსები აკონტროლებენ
- რუსეთს სრულად არ დაუპყრია სოლედარი, ქალაქის აღება არ ნიშნავს ბახმუტის მაშინვე ალყაში მოქცევას - ISW
- "სოლედარისთვის მძიმე ბრძოლები გრძელდება...მტერი ყურადღებას არ აქცევს პერსონალის დიდ დანაკარგს და შტურმს განაგრძობს" | მალიარი
