ჩვენთან ერთად მოიპოვეთ თავისუფლება!
უკრაინისთვის 61 მილიარდიანი დახმარების პაკეტის დამტკიცებას, ევროპელი ლიდერები ეხმაურებიან და დადებითად აფასებენ:
ევროპული საბჭოს პრეზიდენტი შარლ მიშელი X-ზე წერს, რომ ამერიკის ეს ნაბიჯი მკაფიო გზავნილია კრემლისთვის - "მათ, ვისაც სჯერა თავისუფლებისა და გაეროს წესდების, გააგრძელებს უკრაინისა და მისი ხალხის მხარდაჭერას." წერს მიშელი.
ევროკომისიის პრეზიდენტი ურსულა ფონ დერ ლეიენი:
"მივესალმები აშშ-ის წარმომადგენელთა პალატის აბსოლუტურ პოზიტიურ მხარდაჭერას. უკრაინა რუსეთის წინააღმდეგ ყველა სახის მხარდაჭერას იმსახურებს. ახლა ჩვენ ვთხოვთ აშშ-ის სენატს, რაც შეიძლება სწრაფად დაუჭიროს მხარი კანონპროექტს, რადგან ადამიანების სიცოცხლე საფრთხეშია. ტრანსატლანტიკური ალიანსის მოკავშირეები გაერთიანებულნი არიან თავისუფლებისა და დემოკრატიის მხარდასაჭერად."
საგარეო და უსაფრთხოების საკითხებში ევროკავშირის უმაღლესი კომისარი ჯოზეფ ბორელი:
"მივესალმები აშშ-ის წარმომადგენელთა პალატის კენჭისყრას. უკრაინას ექნება ტრანსატლანტიკური მხარდაჭერა, რომელიც მას სჭირდება რუსეთის
აგრესიის წინააღმდეგ საბრძოლველად."
მოლდოვას პრეზიდენტი, მაია სანდუ:
"მივესალმები აშშ-ს წარმომადგენელთა პალატის მიერ უკრაინისთვის სასიცოცხლო მნიშვნელობის 61 მილიარდი დოლარის დახმარების პაკეტის დამტკიცებას. ეს გადამწყვეტი მხარდაჭერა გააძლიერებს უკრაინას აგრესიის წინააღმდეგ და გააძლიერებს რეგიონულ უსაფრთხოებას."
20 არილს, აშშ-ის წარმომადგენელთა პალატამ უკრაინის დახმარების შესახებ კანონპროექტი დაამტკიცა. პროექტს მხარი დაუჭირა კონგრესის ქვედა პალატის 311-მა წევრმა, წინააღმდეგი კი 112 წავიდა.
პროცედურულად კანონპროექტი ახლა სენატმა უნდა მიიღოს, რის შემდეგადაც მას ხელი პრეზიდენტმა, ჯო ბაიდენმა უნდა მოაწეროს. ბაიდენმა უკვე მიმართა სენტს, დროულად გადაუგზავნოს დოკუმენტი.
დახმარების პაკეტის დამტკიცებისთვის, აშშ-ის კონგრესს მადლობას უხდიან უკრაინის ხელისუფლების პირველი პირები:
- ამერიკული დახმარების პაკეტი, რომელსაც ასე ველოდით, მივიღეთ | ზელენსკი;
- "კიდევ ერთხელ გამოავლინეთ ლიდერობა" | უკრაინის პრემიერი კონგრესს მადლობას უხდის;
- "ცუდი დღეა პუტინისთვის" | კულება კონგრესში, უკრაინის დახმარების დამტკიცებაზე
