იტალიას სურვილი აქვს რომ უკრაინა ევროკავშირის წევრი ქვეყნების რიგებში იხილოს, ამიტომ მისთვის სტატუსის მინიჭებას მხარს უჭერს - განცხადება ამის შესახებ იტალიის პრემიერმინისტრმა მარიო დრაგიმ უკრაინაში, ქვეყნის პრეზიდენტთან გამართული შეხვედრის შემდეგ გამართულ პრესკონფერენციაზე გააკეთა.
"დღეს უკრაინაში, უკრაინელი ერის მხარდასაჭერად ჩამოვედით. მხარს ვუჭერთ ერს, რომელიც რუსული აგრესიის წინააღმდეგ საბრძოლველად გაერთიანდა. იტალიას სურვილი აქვს რომ უკრაინა ევროკავშირის წევრი ქვეყნების რიგებში იხილოს, ამიტომ მისთვის სტატუსის მინიჭებას მხარს უჭერს. დღეს რუსული ბოროტების საშინელი ნაკვალევი ვიხილეთ. დავეხმარებით უკრაინას ამ სამხედრო დანაშაულების გამოძიებასა და ომის შემდეგ აღდგენის პროცესში. ჩვენი მიზანია მშვიდობის დამყარება. აუცილებელია რომ უკრაინამ თავის დაცვა შეძლოს. ჩვენ ევროპელები ვართ და არსებული პრობლემების მოსაგვარებლად უნდა გავწევრიანდეთ." თქვა მარიო დრაგიმ.
უკრაინაში დღეს იტალიის პრემიერი, საფრანგეთის პრეზიდენტი, გერმანიის კანცლერი და რუმინეთის პრეზიდენტი ჩავიდნენ.
იხილეთ ასევე:
- კანდიდატის სტატუსზე განცხადება უკრაინის გარდა, მოლდოვამ და საქართველომაც გააკეთეს, გადაწყვეტილებას მომავალ კვირას გავიგებთ - რუმინეთის პრეზიდენტი;
- ევროპულ საბჭოში ერთიანი პოზიციით წარვდგები და უკრაინას მხარს დავუჭერ. ეს ეხება მოლდოვასაც - შოლცი;
- მაკრონი: ოთხივე მხარს ვუჭერთ უკრაინისთვის კანდიდატის სტატუსის დაუყოვნებლივ მინიჭებას
