"მადლობა ყველას, ვინც იბრძვით საქართველოს და მიშას თავისუფლებისთვის" | თავდაცვის სამინისტროს თადარიგის მაიორის მიმართვა

საქართველოს მესამე პრეზიდენტს, მიხეილ სააკაშვილს მხარდაჭერას უცხადებს თავდაცვის სამინისტროს თადარიგის მაიორი გიორგი კირვალიძე.

"იძულებით დევნილი ვარ ოჯახისგან და სამშობლოსგან შორს... მადლობა ყველას ვინც ბრძოლობთ საქართველოს და მიშას თავისუფლებისთვის. სიყვარულის გარეშე გამარჯვება შეუძლებელია"... - ამბობს კირვალიძე და მადლობას უხდის თითოეულ ქართველს, ვინც გარეთ დგას და მხარს უჭერს მიხეილ სააკაშვილის გათავისუფლებას და  საქართველოს, რუსეთის გარეშე.

მე გათავისუფლებული ვიყავი თავდაცვის სამინისტროდან, გენერალური ბრძანების შტაბის, უფროსის ბრძანების მიერ, რადგან არჩევნებამდე და არჩევნების შემდეგ მკაფიოდ გამოვხატავდი ჩემს აზრს, ოცნების მთავრობის მიმართ. იძულებით დევნილი ვარ და ემიგრაციაში ვიმყოფები რამდენიმე წელიწადია სამშობლოსა და ოჯახის გარეშე, რაც წამართვა რუსეთმა. პირდაპირ ვიტყვი ამას, მაგრამ ეს დროებითია, დარწმუნებული ვარ.

მადლობა მინდა გადაგიხადოთ თითოეულ თქვენგანს, ვინც გარეთ დგახართ და მხარს უჭერთ მიხეილ სააკაშვილის გათავისუფლებას, ვინც მხარს უჭერს საქართველოს რუსეთის გარეშე. მადლობა სულ ყველას, თითოეულ თქვენგანს.

მინდა ავღნიშნო 2008 წლის პატარა ფრაგმენტი ჩემი ცხოვრებიდან, სადაც დიდი რუსეთის ტალღა მოდიოდა, მოსაკლავად, დასაპყრობად და გასანადგურებლად. ჩემს უკან იდგა საქართველო,სამშობლო და შევიგრძენი რას ნიშნავს ადამიანი და ჯარისკაცი იყო, რომელიც სამშობლოს იცავს. ყველანი, ჩემო დებო და ძმებო, ქურდი, პოლიციელი, ექიმი,პოლიტიკოსი, დამლაგებელი, ყველა პიროვნება, ყველა ერი და ყველა ნაცია ხართ საქართველო, თითოეული ჩვენგანიდან შედგება ეს ერი.

მე მიყვარს ჩემი სამშობლო, მე მწამს, რომ მიხეილ სააკაშვილს უყვარს თავისი სამშობლო და რასაც ის აკეთებს, აკეთებს სიყვარულით. სიყვარულის გარეშე გამარჯვება შეუძლებელია. მე მწამს ბატონი მიხეილის, მე მწამს თითოეული თქვენგანის. ბატონო მიხეილ, თქვენ რასაც ჩადიხართ, ხართ მოტივაცია, იყავით,ხართ და იქნებით მოტივაცია იმ ხალხის და იმ პიროვნებების, ვისაც სამშობლოს გულისთვის, გული უძგერს და მზად არის თავი გაწიროს. მე მწამს გამარჯვების, მე მწამს ერთგულების, მე მწამს მამა ზეციერის , რომელიც ჩვენი თითოეული ჩვენგანის ღმერთი არის და ღმერთს ვუწოდებთ მას და მე მწამს გამარჯვების. მადლობა ყველას, ვინც საქართველოს იცავთ, ვინც საქართველოსთვის ბრძოლობთ. - ამბობს გიორგი კირვალიძე.

ცნობისთვის, საქართველოს მესამე პრეზიდენტი 43 დღეა შიმშილობს. 11 ნოემბერს მან მზაობა გამოთქვა პროტესტის ეს უკიდურესი ფორმა შეწყვიტოს, გარკვეული დათქმებით. 

ასევე იხილეთ :

• მეგობრებო, ნუ შეასრულებთ პუტინის რუსეთის მონა მთავრობის უკანონო დავალებებს - სახელმწიფო დაცვის თადარიგის პოლკოვნიკის მიმართვა
• გახსოვდეთ თქვენს მიერ დადებული ფიცი ქვეყნის წინაშე - უფროსი სერჟანტის მიმართვა კოლეგებს და მხარდაჭერა მესამე პრეზიდენტს
• "არ მივცეთ პუტინს შესაძლებლობა მოგვიკლას მთავარსარდალი" | სდსს-ის მაიორის მიმართვა ოფიცრებს
• "არ შეასრულოთ დანაშაულებრივი დავალებები, ნუ გახდებით კრემლის იარაღი" | შეიარაღებული ძალების კაპიტნის მიმართვა
• "ემსახურეთ სამშობლოს, ქვეყანას და არა კონკრეტულ პიროვნებებს" | სდსს-ის პოლკოვნიკის მიმართვა
• "თავისუფლება მიხეილ სააკაშვილს" - თავდაცვის ძალების თადარიგის სერჟანტის მიმართვა
• "კერასინკებიდან რეფორმების რესპუბლიკად გადავიქეცით მიხეილ სააკაშვილის დროს" - კაპიტან მესხის მხარდაჭერა მესამე პრეზიდენტს 
• ვემსახუროთ ქვეყანას და არა ცალკეულ პიროვნებებს! - ოფიცერ დავით გაბუნიას მხარდაჭერა მიხეილ სააკაშვილს
• "ფეხქვეშ თელავენ საქართველოს დროშას და გვართმევენ მომავალს" | შეიარაღებული ძალების თადარიგის პოლკოვნიკის მიმართვა